Засгийн газрын ээлжит хуралдаан өнөөдөр 10.00 цагт зарлагджээ. Уг хуралдаанаар арав шахам асуудлыг хэлэлцэхээр төлөвлөсний зэрэгцээ танилцуулах асуудал багтаж буй юм. Танилцуулах асуудлын хүрээнд  Цөмийн энергийн газрын дарга С.Энхбат мэдээлэл хийхээр болжээ. Өнгөрсөн долоо хоногийн Засгийн газрын хуралдаанд тэрбээр цөмийн хаягдалтай холбоотой асуудлаар м.эдээлэл хийх байсан ч хүрэлцэн ирээгүйгээс ажилдаа хариуцлагагүй хандаж байна гэх зэм хүртсэн билээ.

Мөн энэ өдрийн хуралдаанаар Шинэ төмөр замын тухай, Ерөнхий сайд тэргүүтэй төлөөлөгчид ОХУ-д зохиогдох байгалийн эдийн засгийн чуулга уулзалтад оролцох тухай, Журамд нэмэлт өөрчлөлт оруулах тухай,  УИХ-ын гишүүн А.Тлейханы Төрийн өмчөөс орон нутгийн өмчид эд хөрөнгө шилжүүлэх тухай УИХ-ын тогтоолын төсөлд өгөх Засгийн газрын санал, дүгнэлтийн төсөл, УИХ-ын гишүүн Д.Ганхуяг, З.Алтай, Ц.Батбаяр, Ч.Сайханбилэг нарын санаачлан боловсруулсан Зарим байгалийн цогцолборт газрын хилийн заагт өөрчлөлт оруулах туха Улсын Их Хурлын тогтоолын төсөлд өгөх Засгийн газрын санал, дүгнэлтийн төслийг тус бүр авч хэлэлцэх юм байна.