"CS2"-ийн шинэ улирлын эхний хагасын хамгийн чухал тэмцээн болох BLAST.tv Austin Major тэмцээнээс Falcons баг хэтэрхий эрт хасагдсан нь хамгийн том шуугиан болсон. Энэ гэнэтийн бүтэлгүйтэл нь бүр s1mple-ийн эргэн ирсэн үйл явдлыг хүртэл бүдгэрүүлэв. Магадгүй Vitality баг ялагдсан нь л Falcons-ийн бүтэлгүйтлийн тухай яриаг түр намжаасан байх. "1xBet Mongolia"-ийн цахим спортын аналистууд дараах гурван асуултад хариулж байна. Юу болов? Хэн буруутай вэ? Цаашдаа яах вэ?

ЮУ БОЛОВ?

Хариулт товчхоноор бол итгэмээргүй явдал. BLAST.tv Austin Major 2025 тэмцээнд Team Falcons баг плей-оффд хол явж, финалд Vitality-тай тоглоно гэдэгт бүх л аналистууд итгэлтэй байсан биз. Тэмцээний өмнөх урьдчилсан чансаагаар Falcons хоёрдугаарт жагсч, од тоглогчид болох m0NESY, NiKo нар нь MVP өрсөлдөөнд гурав, дөрөвдүгээрт бичигдэж байв.

Falcons баг тэмцээний өмнө гайхалтай формтой байсан. Тэд PGL Bucharest 2025-д түрүүлж, IEM Melbourne 2025 болон BLAST Rivals Spring 2025 тэмцээнүүдийн финалд шалгарсан. Хэрвээ Mэйжорт шууд урилгаар оролцох багуудыг зарлах хугацаа ердөө тав хоногоор хойшилсон бол тэд шууд гуравдугаар шатнаас тэмцээнээ эхлүүлж боломж байв. Гэсэн ч хоёрдугаар шатны өрсөлдөөнд 3-0 гэсэн амжилттай хялбархан дараагийн шатанд гарна гэж бүгд найдаж байлаа.

Гэвч гамшиг шууд эхэлсэн. Эхний тоглолтод Falcons баг дундаж түвшний Украины баг болох B8 багт ялагдав. Гэхдээ В8 эхний шатыг 3-0 амжилттай өндөрлүүлсэн билээ. B8 цэгцтэй, алдаа багатай тоглолт үзүүлж 13:8 харьцаагаар хожсон. Дараагийн тоглолтод тэд Lynn Vision багт 13:9-өөр ялагдав. Хятадын баг өмнөх шатнаас арай гэж (3-2) гарч ирсэн . Энэ хоёр ялагдалд NiKo багийн шилдэг тоглогч байсан бол харин m0NESY маш муу тоглож ердөө 0.70 үнэлгээтэй байв.

Гурав дахь тоглолтод OG багтай тоглож анхны ялалтаа авсан (11:13, 13:10, 13:6). Гэвч дараа нь MIBR багтай тоглосон тоглолтод ялангуяа гурав дахь мап болох Inferno нь Falcons-ийн тоглогчдын хар дарсан зүүд болон үлдэх нь гарцаагүй. Эхний карт Ancient-ийг 13:6 харьцаагаар хожсон ч, хоёр дахь Nuke дээр 10:2-оор эхэлж 13:9-өөр ялагдав.

Гурав дахь мап дээр Falcons 18:17 харьцаагаар илүү байх үед B сайт руу амжилттай дайран бомб суурилуулсан, 5v3 нөхцлийг үүсгэсэн. Мэргэжлийн баг ийм нөхцөлд ялагдана гэдэг бол байж боломгүй зүйл. Гэвч тэд ялагдсан. m0NESY банана талаас ирж буй brnz4n-г алдаж буудан улмаар бразил залуу дараалан TeSeS, m0NESY, NiKo нарыг устгасан. MIBR раундын харьцааг тэнцүүлж, гурван нэмэлт цагийн эцэст сэтгэл зүйн хувьд унасан Falcons-ийг 22:20-оор дуусгасан.

Ингэснээр Team Falcons 1-3 гэсэн итгэмээргүй үр дүнтэйгээр тэмцээнээс хасагдсан. Хамгийн харамсалтай нь тэд FaZe Clan эсвэл 3DMAX шиг хүчирхэг өрсөлдөгч ч биш багуудтай тоглож, шалгарч чадсангүй.

ХЭН БУРУУТАЙ ВЭ?

Аналистууд, фэнүүдийн дунд гол буруутнаар багийн дасгалжуулагч Данни Соренсен буюу "zonic" тодроод байна. Zonic бол Astralis багийн алтан эрин үеийн дасгалжуулагч, нийт дөрвөн Мэйжор тэмцээнд түрүүлж байсан (2017-2019) нэгэн. Дараа нь Vitality багийг удирдаж 2023 онд BLAST.tv Paris Major-т аварга болгосон.

Ийм учраас Саудын Арабын Falcons багийг дэлхийн хэмжээний баг болгох зорилготой төсөлд zonic-г өндөр цалин, бүрэн эрх мэдэлтэйгээр авчирсан. Тэрбээр Magisk, dupreeh, s1mple зэрэг тоглогчдыг туршиж, 2025 онд бүрэн шинэ бүрэлдэхүүнд шилжсэн. Шинэ багт G2-оос NiKo, m0NESY, мөн HEROIC-ийн гол тоглогчид болох TeSeS, kyxsan, degster нарыг авчирсан.

Falcons багийн бүрэлдэхүүнд 5 сая ам.доллар орчим зарцуулсан гэж таамаглагдаж байгаа бөгөөд энэ баг “ялна” гэсэн хүлээлттэй орсон. Гэвч BLAST.tv Austin Major дээр энэ баг амжилт гаргаж чадсангүй. Хувь хүний ур чадвараар хэн ч NiKo, m0NESY нарыг шүүмжлэхгүй. Тэд дэлхийн шилдгүүд. Гэвч бэлтгэл сургуулилалт, стратеги, уялдаа холбоо, сэтгэлзүйн бэлтгэл муу байсан нь ил болсон. Эдгээр нь бүгд дасгалжуулагчийн үүрэг, өөрөөр хэлбэл zonic хамгийн гол буруутан болж байна.

Фэнүүдийн дунд одоо ч алдартай "meme" болж үлдсэн нэг агшин бол BLAST Open Spring 2025 тэмцээний шийдвэрлэх раундын өмнөх тактикийн завсарлага дээр zonic ямар ч зөвлөгөө өгөөгүй, харин NiKo асуухад “Бодож байна” гэж хэлсэн нь тухайн үед маргаан дэгдээж байв.

ЦААШДАА ЯАХ ВЭ?

Энгийн хариулт бол дасгалжуулагчийг халж, илүү зохион байгуулалттай баг байгуулах. Гэхдээ Falcons багийн эзэд энэ шийдвэрийг шууд гаргах эсэх нь тодорхойгүй. Магадгүй StarLadder Budapest Major 2025 хүртэл zonic-д нэг боломж олгож магадгүй.

Одоогоор хамгийн хүчтэй яригдаж буй цуурхал бол 17 настай kyousuke (Team Spirit Academy)-г авч, Magisk-ийг явуулах тухай. Хэрвээ энэ наймаа биелбэл, Falcons бүр ч илүү хүчирхэг бүрэлдэхүүнтэй болж, Мэйжор авах ёстой баг болчихно. Гэвч энэ бүхэн бодитой биелнэ гэж үү?

Vitality, Spirit, MOUZ, NAVI, FaZe Clan, The MongolZ зэрэг багууд плей-оффын шатан дахь тулаанаа дөнгөж эхлүүлж байхад, Team Falcons-ийн хувьд зуны амралт аль хэдийн эхэлсэн. Дараагийн том тэмцээн хүртэл нэг сараас илүү хугацаа байгаа тул Falcons-ийг тойрсон асуудал үргэлжлэх болно.

1xBet Монголын цахим спортын аналистууд Falcons багийн эргэн тойрон дахь шинэ мэдээ мэдээлэл болон CS2-ийн хамгийн сонирхолтой үйл явдлуудыг үргэлж хүргэх болно.