Авто спортын формула-1 уралдааны “Мерседес” баг өөрийн багийн Финланд нисгэгч В.Боттастай дахин нэг жилээр гэрээгээ сунгалаа. Тэрээр багтайгаа гэрээгээ сунгасны дараа өөрийн твиттер хуудсаараа дамжуулан “Би энэ гайхалтай багийн нэг хэсэг болж байдагтаа маш их баяртай байдаг. Ирээдүйд юу болохыг хүлээж чадахгүй байна. Би өөрийн зорилгодоо хүрэхийн тулд 100 хувь өөрийгөө дайчилна” хэмээн бичсэн байна.

В.Боттас Формула-1 уралдаанд Уилльямс багаас 2012 онд гараагаа эхлүүлж байсан бөгөөд 2017 оны улирал эхлэхэд Мерседес багт ирж байсан юм. Мерседес багт ирснээр түүний амжилт нь дээшилж өнгөрсөн 2017 онд нийлбэр дүнгээр гуравдугаар байранд орж, гурван гараанд тэргүүн байр эзэлж байсан бол энэ жил 10 гарааны дараах байдлаар тавдугаар байранд бичигдэж байна.

Б.БЯМБАБАЯР