Монгол Улсын иргэнд Газар өмчлүүлэх тухай хуулийн хэрэгжилтийн талаар Дорнод аймгийн Газрын харилцаа, барилга хот байгуулалтын албанаас хууль сурталчлах, иргэдээс ирүүлж буй газар өмчлөлийн асуудалтай холбоотой өргөдөл, санал хүсэлтийг хүлээн авч, хуулийн хугацаанд шийдвэрлэхэд анхааран ажиллаж байна. Тус аймгийн хэмжээнд 2003 онд 94 иргэн, 2004онд 1578 иргэн, 2005 онд 5152 иргэн, 2006 онд 1177 иргэн, 2007 онд  1590 иргэн, 2008 онд 1707 иргэн, 2009 онд 670 иргэн, 2010 онд 1366 иргэн тус тус гэр бүлийн хэрэгцээний зориулалтаар газраа нэг удаа үнэгүй өмчлөн авчээ. Газар өмчлөгчдийн газрын татвар ногдуулалтыг холбогдох байгууллагуудтай хамтран хийж, 2007онд 1946.6 мянган, 2008 онд 6328.5 мянган төгрөгийн 2009 онд 6788.0 мянган төгрөг, 2010 онд 6334.3 мянган төгрөгийг газрын татварт тус тус ногдуулж, 2007 онд 112.0 мянган, 2008 онд 1226.0 мянган, 2009 онд 2145.0, 2010 онд 2467.1 мянган төгрөгийн орлогыг төсөвт тус тус төвлөрүүлсэн байна.

Мөн 2010 онд Монгол Улсын газрын төлбөрийн тухай хуулийн дагуу аймгийн хэмжээнд газар эзэмшигч, ашиглагч 4255 иргэн, аж ахуйн нэгж, байгууллагын газарт 163.8 сая төгрөгийн ногдуулалтыг хийсэн ба үүнээс 91.6 сая төгрөгийг аймгийн төвийн сум Хэрлэн сумаас оруулахаар төлөвлөсөн байна.