Шинэ оны эхээр зохиогдсон шатрын Австралийн аварга шалгаруулах нээлттэй тэмцээнд манай тамирчин ФМ С.Отгонжаргал амжилттай оролцоод иржээ. Тэмцээнд нийт 112 тамирчин (үүний 19 нь олон улсын цолтон) швейцарь системээр 11 өрөг тоглоход тэрбээр 7.5 оноогоор XI байранд оржээ. “Australian Open”-д эхний гурван байрыг нутгийн шатарчид эзэлсэн бол тэмцээний ¹1 чансаатай шатарчин, Германы их мастер Игорь Хенкин С.Отгонжаргалтай адил 7.5 оноо авчээ.