МАХН-ын дарга Н.Энхбаярын шүүх хурал дахиад л хойшиллоо. Өмгөөлөгч нь өөрийн намаас нь сонгуульдсан, өмгөөлөгч нь таалагдахаа больсон, өмгөөлөгч нь нэмэгдсэн, хасагдсан, өмгөөлөгчийн хүүхдийн бие өвдсөн гэх мэт шалтгаанаар ийнхүү түүнд холбогдох хурал тав дахиа хойшиллоо. Дахиад өмгөөлөгчид ямар ч асуудал, бэрхшээл, өвчин зовлон, шалтаг гарч ирэхийг “таашгүй”. Энэ тааврыг зөвхөн Н.Энхбаяр л өөрөө таах байх. Учир нь тэрбээр Л.Шинэн, Б.Ганбаатар, О.Баасанхүү, Н.Оюунбилэг, О.Сайнгэрэл, С.Нарангэрэл гэхчлэн өмгөөлөгчдийг ёстой нэг сольж, хольж өгч байна.

Өнөөдрийн шүүх хуралд Н.Энхбаярын шинээр томилогдсон өмгөөлөгч О.Сайнгэрэл хүүхдийн бие өвдөж, эмнэлэгт хэвтсэн гээд ирсэнгүй. Мөн О.Сайнгэрэл Н.Энхбаяраас бичгээр чөлөө гуйсан тул Гавъяат хуульч С.Нарангэрэлээр нэмж өмгөөлүүлэхийг хүслээ. Шүүх хуралдаан дээр шинээр томилогдсон өмгөөлөгч С.Нарангэрэл “Надад хавтаст хэрэгтэйгээ танилцахад дор хаяж нэг сарын хугацаа хэрэгтэй. Одоо хүн бүхэн амралтын байдалтай байна. Шүүгч, улсын яллагч та бүхэн ч гэсэн амралтаа авбал зүгээр бишүү” хэмээв. Харин шүүх бүрэлдэхүүн МАХН-ын дарга Н.Энхбаяр болон түүний хэрэгт хамсаатан болоод байгаа До.Чулуунбаатар, Ж.Мягмаржаргал, Д.Дуламсүрэн нарыг энэ сарын 31-нд шүүх шийдвэр гаргалаа.