НҮБ ба Арабын лигийн орнуудын Сири дэх тусгай элч төлөөлөгч Кофи Аннан өчигдөр Туркийн Хатай муж дахь Сирийн дүрвэгсэдийн лагерьт очив. Тусгай элч бүс нутгийн хүмүүнлэгийн байдал хүнд байгаад анхаарлаа хандууллаа. Дараа нь тэрээр хэвлэлийн бага хурал хийлгэхдээ Дамаск  ба сөрөг хүчнийхэнд хандан урьдчилсан нөхцөл тулгалгүйгээр 12-ны өглөө гэхэд гал зогсоох ёстой хэмээн шаардлаа. Сирийн хүчирхийллийг зогсоох цаг оройтоогүй байна гэж Аннан хэлжээ.

Сөрөг хүчнийхэн ерөнхийлөгч Ассадыг амлалтаа биелүүлнэ гэдэгт итгэхгүй байна “Бидэнд Кофи Аннанд хэлэх үг алга. Гэхдээ баярлалаа, гал зогсоох хугацааг зарласнаас хойш 150 хүнийг хөнөөлгөсөнд нь баярлалаа. Хэдэн зуун хүн Сирид хөнөөгдсөөр байна. Сиричуудыг алуулж байгаад нь Орост бас Хятадад талархая. Кофи Аннан Турк дэх дүрвэгсэдийн лагерьт очсон гэнэ үү. Түүнд бэлэг бариад нэг лагерийг буудсан” гэж Ливан дахь Сирийн сөрөг хүчний төлөөлөгч гашуудан хэлж байна.