Самбо бөхийн Азийн аварга шалгаруулах өсвөр, залуучууд, насанд хүрэгчдийн аварга шалгаруулах тэмцээн ирэх долдугаар сарын 16-20-нд Улаанбаатар хотод болно. Уг тэмцээний эрхийг эхлээд БНСУ, дараа нь Узбекстанд өгсөн боловч тэдгээр улсын үндэсний холбоон дахь зөрчлийн улмаас Монголд эрхийг нь шилжүүлжээ.

Манай улсын хувьд 1997 онд самбо бөхийн Азийн аварга шалгаруулах тэмцээний зохион байгуулж байсан юм. Манай улсын хувьд энэ сарын 16-нд эхлэх Монголын бүх ард түмний спортын XIII их наадмаас шалгарсан тамирчдаар багаа бүрдүүлэх ажээ. Үүнээс гадна тавдугаар сард болох улсын аварга шалгаруулах тэмцээнээс Азийн аваргыг шүүх шүүгчдийг шалгаруулах ажээ.