Холливудын халуухан ганц бие бүсгүйчүүдийн нэг Камерон Диаз дэлхийн нөлөө бүхий тэрбумтантай найзалж эхэлсэн талаар шар хэвлэлүүд мэдээлжээ. “NY Post”-д дурьдсанаар өдгөө 40 настай кино од дэлхийд алдартай авто машин үйлдвэрлэгч Америкийн “Tesla Motors”-ийн захирал 41 настай Элон Масктай болзож байгаа гэнэ. Энэ оны эхээр Диаз тус компаниас машин худалдаж авсан үеэс эхлэн хосууд бие биенээ мэддэг болжээ.

“NY Post”-д мэдээлснээр ноён Маск Калифорны Пало-Алт хотод орших өөрийн компаниас холгүй амьдардаг ч шинэхэн дурлалт бүсгүй Камеронтой уулзахаар сүүлийн үед  байн байн Лос-Анжелосыг зорих болсон гэнэ.

“Tesla Motors”-аас гадна олон улсад алдартай “SpaceX”, “SolarCity” компаниудын нөлөө бүхий удирдлагуудын нэг түүний орлого энэ сарын байдлаар л гэхэд  нийт 4.5 тэрбум ам долларт хүрсэн  хэмээн эх сурвалжууд мэдээлсэн байна.