“ТВ Коктейль” хамтлагийн залуус “Хоёр ертөнцийн буудал” драмын анхны жүжгээ өлгийдөн авч, урлаг судлаач, мэргэжил нэгт нөхдөөсөө “сонгодог” гэсэн үнэлгээ аваад байгаа билээ. Нээлтийн тоглолтынхоо дараа бууриа сэлгэн, үзэгчдийн хүсэлтээр долоо хоног сунгаж тоглосон ч тэднийг үгүйлсэн үзэгчид одоо хүртэл утас цохин, “Сонгодгийг дахиулъя” хэмээн шалах болсон гэнэ. Тиймдээ ч хошин урлагийн тоглолтын тасалбар шагаар зарагдах болсон өнөөгийн нийгэмд  драмын жүжгийн тасалбар шагийн үнэд хүрч, үзэгчид үнэ хаян авч байсан нь ховор. 

Францын шинэ үеийн шилдэг зохиолчдын нэг Эрик Эммануэль Шмитийн зохиолоос сэдэвлэн бүтээсэн эл жүжгийн найруулагчаар Б.Сэнгэдорж ажиллаж, жүжгийн гол дүрд Амбий буюу Ц.Батхуяг, Навчаа, тус хамтлагийн Н.Цэнд-Аюуш, А.Өнөржаргал, Э.Цолмонбаяр, Д.Энхбаяр болон Амбий буюу Ц.Батхуяг тоглосон юм.

“ТВ Коктейль” хамтлагийнхан өнгөрсөн долоо хоногт болсон хаалтын тоголтынхоо дараа БНСУ-ыг зорьсон байна. Жүжигчид энэ сарын 5-нд ирэх бөгөөд үзэгчдийн зүгээс  “Хоёр ертөнцийн буудал” жүжгийг дахин тоглуулах хүсэлт их ирж байгаа тул энэ талаар эргэж ярилцахаар болжээ. Хэрэв та жүжгийн талаар санал бодлоо хуваалцахыг хүсвэл, www.facebook.com/TvCocktailFilms хандаж болох юм байна.