Apple компанийн iPad таблет компьютерийн борлуулалт 2011 он гэхэд
дэлхийн хэмжээнд 28 сая хувьд хүрнэ хэмээн зах зээлийн шинжээчид
тооцоолжээ. Швейцарийн UBS AG-гийн хийсэн судалгааны дүнд дээрх тоо
баримтыг гаргасан байна. Apple компани дөрөвдүгээр сард iPad-ыг анхлан
танилцуулснаас хойш зургадугаар сарыг дуустал дэлхийн хэмжээнд 3,27 сая
хувь iPad борлуулаад байгаа юм. Гэхдээ iPad эхний ээлжинд зөвхөн АНУ-ын
хэмжээнд худалдаанд гарсан бөгөөд тавдугаар сараас эхлэн дэлхийн
томоохон гүрнүүдийн зах зээлд нэвтэрсэн билээ.

С.Цэлмэг