Холливудын нэрт жүжигчин Дэвид Аркетт 2010 онд экс эхнэр жүжигчин Кротни Коксоос гэрлэлтээ цуцлуулснаас хойш одоогийн найз бүсгүй Кристина Маклартитай танилцсан аж. Хосууд өнгөрөгч мягмар гаригт Дэвидийн Калифорни дахь “Bootsy Bellows” нэртэй  шөнийн клубт нь ойр дотны найзуудаа урин багахан хэмжээний үдэшлэг зохион байгуулж хамтдаа цагийг өнгөрөөжээ.

Дэвид Кристина нар анх 2011 оны зун Нью-Йоркод болсон нэгэн үдэшлэг дээр танилцаж саяхнаас хамтдаа амьдрах болсон байна. Девид нэрт жүжигчин Кротни Кокстой 13 жилийн турш хамтдаа амьдрах хугацаандаа Коко хэмээх нэг охинтой болжээ. Харин Кристинагийн хувьд өмнө нь Америкийн кино продюссор Жое Франкистай гэрлэж байсан юм байна.