УИХ-ын чуулганы нэгдсэн хуралдаан эхэллээ. Хуралдаанаар Орон нутгийн сонгуулийн тухай хуулийн төслийг хэлэлцэж байна. Хэлэлцэж байгаа асуудалтай холбогдуулан гишүүн Н.Энхболд сонгуулийн хуулийг сонгууль болохоос зургаан сарын өмнө өөрчилж болохгүй гэсэн заалт зөрчигдөж байгааг онцолж үүнд УИХ-ын Төрийн байгуулалтын байнгын хорооны дарга А.Бакейг хариулт өгөхийг шаардав.

А.Бакей “Сонгуулийн хуульд сонгууль болохоос гзургаан сарын өмнө гар хүрч болохгүй гэдэг нь УИХ-ын сонгуулийн тухай хуульд илүү хамаарна. Гэхдээ та бүхэн үнэхээр тийм бодолтой байсан бол өмнөх парламентын үед Орон нутгийн сонгуулийн тухай хуулийн төслийг хэлэлцэн баталж болох байсан” гэсэн юм. Хэлэлцүүлэг үргэлжилж байна. Энэ удаагийн чуулганы нэгдсэн хуралдаанд 71 гишүүн оролцох ёстойгоос 40 нь хүрэлцэн иржээ.