“Синьхуа” агентлагийн мэдээлснээр Хятадын баруун өмнө зүгт орших нүүрсний уурхайд өчигдөр буюу лхагва гаригт дэлбэрэлт болсны улмаас тус уурхайн 50 ажилчин газрын гүнд боогдсон байна. Нийт 120 ажилтантай уг уурхай нь Хятадын Сычуань мужийн Паньчжихуа хотод оршдог бөгөөд дэлбэрэлт орон нутгийн цагаар өдрийн 12:00 цагийн үед гарсан хэмээн Синьхуа агентлаг мэдээлжээ. Аврах албаны ажилтнуудын мэдээлснээр уурхайн гүнд нийт 70 ажилчин байснаас 20-ыг нь аварсан ч цаана нь 50 уурхайчин үлдээд байгаа аж.

Одоогоор уурхайн гүнд гацсан ажилчдыг аврах ажиллагаа үргэлжилж байна.