Энэтхэгийн кино жүжигчидтэй ойр дотно харилцаатай байсан улстөрч сонгууль болохоос хэдхэн хоногийн өмнө Мумбай хотод буудуулж, амиа алджээ. Тансаг үдэшлэг зохион байгуулдгаараа алдартай Баба Сиддик өнгөрсөн Бямба гаригийн орой хүүгийнхээ оффисын гадаа олон удаа буудуулсан гэж цагдаа нар мэдэгдсэн. 66 настай түүнийг Лилавати эмнэлэгт хүргэсэн ч аварч чадаагүй байна.

Тус улсын "Press Trust" агентлагийн мэдээлснээр, хоёр сэжигтнийг баривчилжээ. Тухайн сэжигтнүүд өмнө нь гэмт хэрэгт холбогдож байсан бөгөөд гэмт хэргийн бүлэглэлд харьяалагддаг аж. Баба Сиддик өмнө нь хэдэн 10 жилийн турш Энэтхэгийн Үндэсний Конгресс намын гишүүн байсан боловч энэ оны хоёрдугаар сард Үндэсний конгресс намд (ҮКН) элссэн. Тэрээр 1999 оноос эхлэн Махараштра муж улсын хууль тогтоох ассамблейн гишүүнээр гурван удаа сонгогдож байсан. Мөн мужийн сайдаар ажиллаж байжээ.

Ирэх сард Махараштра мужийн сонгууль болох бөгөөд Баба Сиддикийн үхэл улс төрийн зорилготой байж магадгүй гэж мөрдөн байцаагчид сэжиглэж байна.

Махараштрагийн дэд сайд Ажит Павар энэхүү хэрэг дээр тулж ажиллахаа амлаж, гэмт хэрэгтнүүдэд хатуу арга хэмжээ авахаа онцолсон байна. Тэрбээр хэлэхдээ, Сиддикийг хөнөөсөн хэргийг мөрдөн шалгахаар янз бүрийн муж руу таван баг илгээгдсэн гэж мэдэгдэв.