Энэ жилийн баяр наадмаар Төв цэнгэлдэхэд “Оюуны эрэл” оюутны холбооноос “Цэмцгэр Монгол наадам” үйл ажиллагааг зохион байгуулж  байна. Тус холбооны сайн дурын 500-гаад оюутнууд хамтран Төв цэнгэлдэхэд 18 ширхэг явуулын хогийн сав байрлуулан наадамчин олондоо цагаан хоолойгоор “Хоггүй наадъя” хэмээн уриалан зогсож байсан нь таатай санагдсан. Ямарваа нэгэн томоохон үйл ажиллагааны дараа хурсан олны хогонд дарагддаг байдал энэ жил наадмын талбайд давтагдахгүй нь бололтой. Оюутнууддаа, баярлалаа.

Г.Даша