Холливудын жүжигчин Деми Мур сэтгэлийн хямралаас гаргах албадан эмчилгээ хийлгэснээс хойш анх удаа олны өмнө гарч ирлээ. 49 настай Деми Мур “Twitter”-тээ “Би эргэн ирлээ” гэж бичсэнээс нэг хоногийн дараа “Беверли Хиллз”-д найзынхаа шинэ шоуны нээлтэд оролцсон байна. Аманда де Каденетын “Ярилцлага” телевизийн шоунд гүйцэтгэх продюсерээр ажилласан Деми Мур шоуны нээлтэд ирэхдээ эрүүл саруул, эрч хүчтэй харагдаж байсан гэнэ. Деми Мур өөрөөсөө  15 насаар дүү жүжигчин нөхөр Эштон Катчераас салсны дараа сэтгэлийн гүн хямралд орсон байсан юм.