CNN мэдээллийн олон нийтийн сайт “Mashable”-ийг худалдаж авахаар ярилцаж, зөвшилцөж байгаа тухай эх сурвалжууд мэдээлж байна. Ойролцоогоор 200 гаруй сая ам.доллараар уг сайтыг авах гэж байгаа сурагтай.

“Ройтерс”-ийн нэгэн блогт бичсэнээр бол энэ талаар ойрын өдрүүдэд, тодруулбал энэ долоо хоногтоо багтан албан ёсоор мэдээлэх гэнэ. CNN-ийг эзэмшигч “Тайм уорнер” групп цахим ертөнцийн сэтгүүл зүйд хүрээгээ тэлэх төлөвлөгөөтэй байгаагаа эртнээс мэдэгдэж байсан бөгөөд ийнхүү эхний алхмаа хийж байгаа бололтой.