Монголын хөрөнгийн биржийн өнөөдрийн /2012.01.06/ арилжаагаар нийт 44 ХК-ийн 80.3 сая төгрөгийн үнийн дүн бүхий 119.5 мянган ширхэг хувьцаа арилжлаа. “А” самбарын арилжаагаар 28 ХК-ийн 118.6 мянган ширхэг хувьцааг 78.3 сая төгрөгөөр, “В” самбарын арилжаагаар 16 ХК-ийн 890 ширхэг хувьцааг 1.9 сая төгрөгөөр тус тус арилжсан байна. Өнөөдрийн арилжаагаар нийт 241 хэлцэл хийгдсэн байна. Нийт 44 үнэт цаас арилжсанаас 26 үнэт цаасны ханш өсч, 12 үнэт цаасны ханш буурч, зургаан үнэт цаасны ханш тогтмол байлаа.

ТОП-20 индекс 20869.40 нэгж байгаа нь өмнөх өдрийн индекстэй харьцуулахад 49.15 нэгжээр буюу 0.24 хувиар өсчээ. Зах зээлийн нийт үнэлгээ хоёр их наяд 95.9 тэрбум төгрөг болсон байна.

Нэмэлт мэдээлэл хүргэхэд, Санхүүгийн зохицуулах хорооны улсын байцаагчийн 2012.01.06-ны өдрийн 01 тоот албан шаардлагын дагуу “Хөх ган” ХК-ийн үнэт цаасны арилжааг түр зогсоосон байна.