Иран улс хэт даврагсдын шийтийн бүлгийг өөгшүүлэн Ирак дахь Америк цэргүүдийг олноор нь хөнөөх явдал олширч байгаа тухай Пентагоноос мэдэгдлээ. Тиймээс АНУ-ын тал цэргийн хүчнээ энэ оны эцэс хүртэл Иракт байршуулах тухай Багдадтай албан ёсны хэлэлцээр хийх нь асуудлыг шийдэх хамгийн оновчтой арга зам гэж үзээд, хоёр талын хэлэлцээрийг эхлүүлээд байгаа ажээ. Иракт одоогийн байдлаар 46 мянган америк цэрэг үүрэг гүйцэтгэж байгаа ба АНУ 2011 оны арванхоёрдугаар сарын 31-нд багтаж цэргүүдээ буцаан татах төлөвлөгөөтэй байгаа аж.

Иран улс 2008 онд Иракийн дотоод хэрэгт цаашид оролцохгүй тухай шийдвэрийг гаргаж байсан ч нэгэнт баталсан шийдвэрээ зөрчиж, улс орны дотоод хэрэгт хөндлөнгөөс оролцож эхэлсэн нь АНУ-ын цэргийн хүчнийг түргэн буцаах гэсэн оролдлого байж болох юм гэж АНУ-ын талаас үзэж байна.