Испаний Мадрид хотноо “Mutua Madrid Open” тэмцээн үргэлжиж байна. Өчигдөр шилдэг тоглогчдоос Швейцарийн Рожер Федерер тэмцээнийг орхилоо. Тэмцээний гуравдугаар тойрогт “Их дуулга”-ын 17 түрүүт Швейцарийн Рожер Федерер, Японы Кей Нишикори нарын тоглолтод арлын орны теннисчний ялалтаар өндөрлөжээ. Тоглолт нэг цаг 35 минут үргэлжлэхэд 6:4, 1:6, 6:2-ийн харьцаагаар Кей ялалт байгуулжээ. Тус тэмцээний 14-нд эрэмбэтэй Кей Нишикори хагас шигшээд шалгарах эрхийн төлөө Испаний Пабло Андужартой тоглоно.

Өнгөрсөн жил Кей Нишикори дэлхийн манлай теннисчин Сербийн Новак Жоковичийг хожиж бас нэгэн шуугиан тарьж байсан.

Мадридын тэмцээний хоёрдугаар тойрогт дэлхийн манлай теннисчин Сербийн Новак Жокович Болгорын залуу теннисчин Григори Демитровд ялагдсан бол түүний араас тус тэмцээнд түрүүлэх магадлалтай гэгдэж байсан Швейцарийн Рожер Федерер тэмцээнийг орхилоо. Тэмцээний гуравт эрэмбэтэй Их Британы Энди Муррей, зургаад эрэмбэтэй Чехийн Томаш Бердыхтэй, дөрөвт эрэмбэтэй Испаний Рафаэль Надаль нутагт нэгт Дэвид Феррертэй дараагийн тойрогт таарчээ. Топ 10-ын дөрвөн нь шигшээ наймд үлдсэн ч тэд хагас шигшээд шалгарахын тулд хоорондоо өрсөлдөх учир бусад тоглогчдын хувьд томоохон боломжууд гарч ирлээ. Юутай өнөө орой болох сонирхолтой тоглолтуудыг харах л үлдлээ.

Эмэгтэйчүүдийн хувьд АНУ-ын Серена Уильямс, ОХУ-ын Мария Шарапова, Сербийн Анна Иваннович нарын шилдгүүд шигшээ наймд шалгараад байна. Тэмцээний аваргууд ням гаригт тодорно.