Улсын баяр наадамд хурдан морь унаж оролцох хүүхдүүд долоогоос дээш насны, эрүүл мэндийн дэвтэр, гэнэтийн ослын даатгал, төрсний гэрчилгээтэй байхыг Хүүхдийн төлөө газраас шаардаж байгаа ажээ. Морин спорт уяачдын холбоо энэ жил Бээжин хотод үйлдвэрлэсэн хамгаалалтын малгай, өвдгөвч, тохойвчийг шинээр оруулж ирсэн байна. Одоогоор 3000 ширхэг хамгаалалтын хувцас оруулж ирээд байгаа бөгөөд хурдан морины уяачид 40 мянган төгрөгөөр худалдан авах юм байна.  Мөн энэ хувцсыг хөдөө орон нутагт тарааж эхэлжээ.