Сирийн сөргөлдөгч талууд энэ лхагва гарагт харилцан галаа зогсоох ёстой байсан ч Ерөнхийлөгч Башар Аль Ассадын хүчнийхэн хэлсэндээ хүрсэнгүй.

НҮБ-ын Аюулгүйн зөвлөлийн элч Кофи Аннан Дамаскийг буруушаан, зэмлэж байна. Товлосон өдөр талууд зэвсгээ түр хойш тавьж, хэлэлцээрийн ширээний ард суусан бол нөхцөл байдал дээрдэж болох байсныг тэрбээр онцолж байна.

Гал зогсоох ёстой өдрөөс хойш нийт 100 гаруй иргэн амь үрэгдсэн төдийгүй Хомс хотын орчим ширүүн тэмцэл өрнөсөөр байгаа аж.