Софи Лорен, Диана гүнж, Синди Кроуфорд зэрэг алдартны хөргийг буулгасан домогт гэрэл зурагчин, шинээр сэтгэгч Донованы  гэрэл зургийн томоохон үзэсгэлэн Speed of Light нэртэйгээр Лондонд нээгджээ.

The Photographers' Galleryд Британийн домогт гэрэл зурагчны хуучин бүтээлүүдийн үзэсгэлэн ажиллаж байна. Теренс Донован өнгөрсөн зууны жараад оны гол гэрэл зурагчдын нэг байсан юм. Тэр үед Твиггигээс эхлээд Софи Лорен хүртэл бүх алдартан түүний дурангийн  бай болох хүсэлтэй байсан гэдэг.

Эргэлзэх зүйлгүй? Донован өөрийн ажил хэргийн мастер байсан ба түүнд гэрэл сүүдэр, зохиомжийн асар гүн мэдрэмж байжээ. Донован загварын болон рекламын гэрэл зургуудыг анхлан секси болгосон мөн зураг авалтыг гудамжинд гаргасан мастер юм. Одоо бол энэ нь ердийнх шиг санагдаж магадгүй ч тухайн үедээ энэ нь тун шинэлэг байсан.

Түүнийг гэрэл зургийн том мастер гэдгийг Vogue, GQ анхлан таньсан бөгөөд Диана гүнж, Синди Кроуфорд нар түүнд итгэн хөргөө татуулж байлаа. The Photographers' Gallery музейд нээгдсэн үзэсгэлэнд гэрэл зургаас гадна өмнө олны хүртээл болоогүй бүтээлүүд, мөн видео бичлэг, өдрийн тэмдэглэл зэрэг олон үзмэр тавигдсан байна.

Бэлтгэсэн Ш.МЯГМАР