Улсын ерөнхий прокурорын газраас Эрүүгийн байцаан шийтгэх ажиллагаанд иргэний нэхэмжлэгч, хохирогчоор тогтоож буй практик, хууль зүйн үндэслэлийг  улсын хэмжээнд шалгасан байна. Уг шалгалтаар илэрсэн зөрчлүүдийг арилгуулахаар Цагдаагийн Ерөнхий газарт Прокурорын байгууллагын тухай хуульд заасны дагуу  шаардлага хүргүүлсэн   байна.

 Мөн Татварын улсын байцаагч нарын захиргааны зөрчлийн хэрэг бүртгэлтийн ажиллагаанд Захиргааны хариуцлагын тухай хуулийн хэрэгжилтийн байдлыг улсын хэмжээнд шалгаж, илэрсэн  зөрчил дутагдлуудыг арилгуулахаар Татварын Ерөнхий газарт шаардлага хүргүүлжээ.

Хуульд заасны дагуу Прокурорын шаардлагыг хүлээн авсан байгууллага, албан тушаалтан, уг зөрчил, түүний шалтгаан, нөхцлийг  нэн даруй арилгах арга хэмжээ авч, 14 хоногийн дотор прокурорт хариу мэдэгдэх ёстой байдаг байна.