Тоглолтуудын дараа хөгжөөн дэмжигчдийн дунд “Зочдыг ямагт хүндэл” гэсэн яриа гарсан байна. Талбайдаа хожигдсон багууд хариу зочлон тоглоно. Зочдыг бас л хүндэтгэх ёстой. Учир нь “Аваргуудын лиг”-ийн хасагдах шатад сул баг гэж үгүй. “Аваргуудын лиг”-ийн хасагдах шатны тоглолт дараа долоо хоногийн мягмар, лхагва гаригийн шөнө үргэлжилнэ. Харин энэ долоо хоногт тоглосон багууд ирэх гуравдугаар сарын 12, 13-нд хариу тоглолтоо хийнэ.

Ингээд тоглолтуудыг тоймлон хүргэе.

Манчестер Сити 0:2 Барселона

Багуудын гарааны бүрэлдэхүүн:

Манчестер Сити баг

Хаалгач: Жое Харт

Хамгаалагч: Венсин Компани /Багийн ахлагч/, Мартин Дэмичелис, Гаэл Клиши, Пабло Сабалета

Хагас хамгаалагч: Яя Туре, Александр Коларав, Давид Сильва, Хесус Навас, Фернандиньо

Довтлогч: Алваро Негредо 

Сэлгээгээр: Жолейн Лескотт  /А.Колароваар, 58’/, Самир Насри /Х.Навас, 58’/, Эдин Жеко /А.Негредо, 74’/

Гарааны байрлал: 4:5:1.

Барселона баг:

Хаалгач: Виктор Валдес

Хамгаалагч: Херард Пике, Хавиер Машерано, Даниель Алвес, Хорди Альба

Хагас хамгаалагч: Серхио Бүскетс, Шави Эрнандес, Францеск Фабрегас

Довтлогч: Андриес Иньеста, Алексис Санчес, Лионель Месси

Сэлгээгээр: Нэймар /А.Санчес, 74’/, Серхи Роберто /Ф.Фабрегас, 86’/

Гарааны байрлал: 4:3:3

Испанийн Каталон үндэстний бахархал “Барселона” Английн баян багуудын нэг “Манчестер Сити”-гийн талбайд зочлон, 2:0-ийн харьцаатай хожлоо. “Манчестер Сити” “Аваргуудын лиг”-ийн хасагдах шатанд анх удаа шалгарсан. Тун хатуу сугалаа татсан.

Энэ улирал “Манчестер Сити” тун сайн тоглолтыг үзүүлсэн “Аваргуудын лиг”-ийн туршлагатай “Барселона” багийн өмнө хүчин мөхөстөв. Тоглолтын 54 дэх минутад “Манчестер Сити” багийн хамгаалагч Мартин Дэмичелис торгуулийн талбайдаа алдан алдаа гарган, улаан хуудас авснаар тоглолтын хувь заяа бүрэн шийдвэрлэгдсэн. Торгуулийн 11 метрийн цохилтыг “Барселона” багийн мэргэн бууч Лионель Месси амжилттай болгож, Английн багийн талбайд анх удаагаа гоол орууллаа.

М.Демичелис улаан хуудас авч, талбайг чөлөөлснөөр “Манчестер Сити” багийн хамгаалалт суларсан. Бөмбөг сайн эзэмшиж, ойрын олон дамжуулалтаар бөмбөгөө барьж тоглодог “Барселона” багийн эсрэг арвуулаа үлдсэн “Манчестер Сити” цөөн хэдэн боломжийг үүсгэсэн ч гоол оруулж чадсангүй. Улмаар тоглолтын 89 дэх минутад “Барселона” багийн баруун жигүүрийн хамгаалагч Даниель Алвес гоол оруулснаар тоглолт өндөрлөсөн. Хариу тоглолтод “Манчестер Сити” гурваас илүү гоолын зөрүүтэй хожвол цааш шалгарна.

Тоглолтын тоон мэдээ:   

Байер Ливеркузен 0:4 ПСЖ

Францын “Пари Сэйнт Жермен” /ПСЖ/ Германы “Байер Ливеркузен” багийг талбайд нь 4:0-ийн харьцаатай хожлоо. Ингэснээр “ПСЖ” дараагийн шатад шалгарах бараг тодорхой боллоо. Хариу тоглолтод  “Байер” “ПСЖ” багийг таван гоолын зөрүүтэй хожиж, цааш боломжтой. Гэхдээ энэ бол “Байер Ливеркузен” багийн хувьд биелэгдэшгүй даалгавар юм. Тоглолтын гурав дахь минутад “ПСЖ” багийн хагас хамгаалагч Блэйсе Матьюди гоол оруулж, зочилд тэргүүлсэн. Улмаар 39 дэх минутад “Байер Ливеркузен” багийн хамгаалагч Спахич хоёр дахь шар хуудсаа авч, талбайгаас хөөгдсөнөөр тоглолтод “ПСЖ” хожих нь тодорхой болсон. Торгуулийн цохилтыг Златан Ибрахимовыч амжилттай болгосон. Энэ гоолоос ердөө гурван минутын дараа Златан дахин тодорч, гоол оруулж, тэргүүллээ баталгаажуулсан юм. Харин 88 дахь минутад өвлийн солилцоогоор “ПСЖ” багт ирсэн хагас хамгаалагч Иохан Кабае гоол оруулж, 4:0-ийн харьцаатай хожсон.

Тоглолтын тоон мэдээ:  

АС Милан 0:1 Атлетико Мадрид

“Аваргуудын лиг”-ийн долоон удаагийн аварга “АС Милан” талбайдаа Испанийн “Атлетико Мадрид” багийг барсангүй 1:0-ийн харьцаатай хожигдлоо. “АС Милан” Испанийн Мадрид хотын багтай сайн тоглодог гэсэн статистик үзүүлэлт байдаг ч энэ удаад хожигдлоо. Тоглолтын хожлын чухал гоолыг “Атлетико Мадрид” багийн мэргэн бууч Диего Коста 83 дахь минутад оруулж хожсон. Гэхдээ энэ тоглолт бүрэн шийдэгдээгүй. Хариу тоглолт Испанийн Мадрид хотноо тун сонирхолтой болох нь ойлгомжтой. Багууд тун ойролцоо өрсөлдсөнийг тоглолтын тоон мэдээнээс харж болно.

Тоглолтын тоон мэдээ:

Энэ тоглолтод “Байерн Мюнхен” 863 дамжуулалт хийсэн бол “Арсенал” 222 дамжуулсан байна.

“Арсенал” хоёрдугаар хагасын 12 хувьд нь бөмбөг эзэмшжээ.