Хүний эрхийн “Plan International” байгууллага, Британийн “Overseas Development Institute” гэх судалгааны хүрээлэн хамтран явуулсан судалгааны дагуу дэлхийн эдийн засаг уналттай үед эмэгтэйчүүд хамгийн их хэлмэгдэн нэрвэгддэг гэжээ.

Эдийн засгийн өсөлт саарахад эмэгтэй хүүхдийн нас баралт, эмэгтэйчүүдийн хүчирхийлэлд өртөх, өлсгөлөнгөөр нас барах зэрэг үзүүлэлтүүд нэмэгддэг болох нь судалгаанаас харагджээ. Дээрх үзүүлэлтээс гадна бага насны охидын нас баралт үеийн насны эрэгтэй хүүхдийнхээс тав дахин илүү байв. Түүнчлэн санхүүгийн хямрал, хүнд байдлын улмаас охид сургуулиа хаяж, ажил хийхэд хүрч байна. Мөн залуудаа гэрлэх, эсвэл биеэ үнэлэхэд нь түлхэж байна гэж судалгааны тайланд дурджээ.