Охидын шилдэг хамтлагуудын нэг “Гурван охин”-ы Г.Анхмаа найман жил үерхсэн жүжигчин Т.Билэгжаргалтай ханилан сууж, удахгүй үрийн зулай үнэрлэх гэж байгаа. Г.Анхмаа гурван сарын сүүлээр амаржих гэнэ. Хүүхдийнхээ хүйсийг эход харуулсан ч ээж, ааваасаа өөр хүнд хэлээгүй гэнэ. Тиймээс хамтлагийн хоёр бүсгүй нь ч “сюрприз байг” хэмээн ам чангатай байна.

Г.Анхмааг найзууд нь “Холливуд маягаар жирэмсэлж байна” хэмээн цаашлуулж байгаа гэнэ. Учир нь Г.Анхмаа жин нэмээгүй, тураагүй, өмнө нь ямар байсан, яг тэр хэвээрээ байгаа гэнэ. Холливудын одод төрснийхөө дараа ч гоё биетэй хэвээр байдаг. Г.Анхмааг тийм байх байх хэмээн найзууд нь ярьж байгаа гэнэ. Харин хэрхэн ийм “гоолиг” байгаагийн нууцыг Г.Анхмаа “үргэлж хөдлөх хэрэгтэй” хэмээн тайлбарлаж байгаа гэнэ шүү.