АНУ-ын Төрийн нарийн бич­гийн дарга Хиллари Клинтон Грект айлч­лахаар ням гаригт хүрэлцэн ир­жээ. Долдугаар сарын 18 хүртэл үргэлжлэх энэ айлчлалын явцад  Тө­рийн нарийн бичгийн дарга Хиллари Клинтон “одоо евро бүсэд үүсээд байгаа байдал, Грекийн хэрэгжүүлж байгаа хөтөлбөрийн талаар ярилцах бөгөөд мөн АНУ-ын онцгой байр суу­рийн талаар ярилцана” гэж айлчлалын өмнө Грекийн ГХЯ-ны албан ёсны төлөөлөгч Григорис Делавекурас мэдэгдсэн байв. Грек нь евро бүсийн сул салаа нь болсон бөгөөд 350 тэрбумын өрөө ЕХ ба ОУВС-гийн 110 тэрбумын зээлээр өөрчлөхөөр оролдож байна. Төсвийн маш хатуу төлөвлөгөө гаргаж байж уг зээлийг авч байгаа билээ. АНУ Грект шууд туслахад оролцдоггүй ч Афинад туслаж байгаа ОУВС-гийн томоохон хандивлагч юм.

АНУ-ын Төрийн нарийн бич­гийн дарга Хиллари Клинтон Гре­кийн  Гадаад хэргийн сайд Ставрос Ламбринидистай хэлэлцээр хийх ба түүнийг ерөнхий сайд Йоргос Папандреу ба ерөнхийлөгч Каролос Папульяс нар хүлээн авна. Клинтон парламентын барууны төвтэй сө­рөг хүчний лидер Антонис Сама­растай уулзана.

Парламентын гу­рав дахь хүчин коммунистууд түү­ний айлчлалыг “АНУ-ын импералистуу­дын аюултай төлөвлөгөөтэй” хамаа­тай хэмээн шүүмжилжээ. Хоёр орны Гадаад хэргийн тэргүүн нар Ойрхи Дорнод ба Хойд Африкийн талаар ярилцсан байв. Мөн Македони улсын нэрийн талаар Грек, Македонийн маргаан, Киприйн асуудал зэргийн талаар тэд ярилцаад төгсгөлд нь хэд хэдэн баримт бичигт гарын үсэг зурахаар төлөвлөжээ.