“Twilight”-ын цувралд тоглож, тэрбумтан оддын эгнээнд багтах болсон кино ертөнцийн халуухан хосууд тус тусын мөрийг хөөхөөр шийджээ. Америкийн “The Sun” сэтгүүлд мэдээлснээр Роберт Паттинсон, Кристен Стюарт нар өнгөрсөн ням гаригт болсон “Алтан бөмбөрцөг” наадамд хамт очихоор төлөвлөж байсан ч Кристен Нью-Йорк руу буцсан нь тэдний харилцаа дуусгавар болсонтой холбоотой гэнэ. Роберт залуу бүсгүйд хайртай боловч хосууд найзууд байх замыг сонгосон хэмээн тус сэтгүүлд мэдээлжээ.

Робертын найзууд түүнд Кристенээс салахыг ятгаж, жүжигчний карьертаа анхаарахыг зөвлөх болсон гэнэ. Гэхдээ одоогоор хосын хэн хэн нь албан ёсны мэдээлэл өгөөгүй байна.