УИХ-ын гишүүний тангаргаа ангийн нөхдөөсөө таван сар гаруйн дараа хоцорч өргөсөн Д.Арвин гишүүн их л хашир байна. Түүнийг УИХ-ын сонгуульд өрсөлдөж байхад нь “МАХН-д элсэх гэж байна гэнэ. МАН-ынханд хавчигджээ” гэх зэрэг яриа тасраагүй. Тэр яриа үнэн эсэхийг эрхэм гишүүнээс тодруулахыг хүссэн ч дөрөв дэх удаагаа төр түших эрх авсан Д.Арвин гишүүн илүү дутуу үг унагасангүй. Зүгээр л “хувийн шинжтэй зүйл ярихгүй” гэчихэв.

“Тийм “ ч гээгүй, “үгүй” ч гээгүйг бодоход түүний ард “но” байгааг үгүйсгэмгүй мэт.

Бас Д.Арвин гишүүн тангараг өргөмөгцөө хамгийн анхны санал хураалтаар татгалзсан товчлуур дараатхав. Ийнхүү хуучин гишүүний буурь зааж сул үг ч унагахгүй, бусдыг дагаж асуудал дэмжиж намирах ч үгүй хашир хүний буурь зааж өнжив, Д.Арвин гишүүн.