Камер бол хэрэглэгчдийн хамгийн өргөн ашигладаг гар утасны функцын нэг. Утасны зураг авах чадвар нь олонх хэрэглэгчийн сонголтод нөлөөлдөг гол хүчин зүйл. Тэгвэл хятадууд 16 сая+8 сая пиксэл бүхий хос камер, F1.8 том өрц ашиглан “Жин ли М7” гар утас бүтээжээ. Хоёр камер нь хамтдаа ажиллах бөгөөд зургийг илүү хурдан хугацаанд илүү тод авах гэнэ. 

“Жин ли М7” нь 3D зураг авах бөгөөд уламжлалт хоёр хэмжээст зураг авах хэлбэрийг эвдэж, илүү тодоор буюу гурван хэмжээсээр хүний хөрөг болон хүрээлэн буй орчин, хөдөлгөөнт зураг зэргийг авах аж. Энгийн зурагтай харьцуулахад 3D зургаас бүх зүйлсийг нарийвчлан харахаас гадна тухайн газар өөрийн биеэр очсон мэт мэдрэмж төрүүлдэгээрээ онцлогтой хэмээн утас үйлдвэрлэгчид онцолжээ. Мөн 3D зургаа вичат, QQ зэрэг цахим хуудсан дахь найз нөхөдтэйгөө хуваалцах боломжтой аж. Түүнчлэн утасныхаа дэлгэцийн зургаараа ч сонгож болно.

Эх сурвалж: CCTV