Баасан гаригийн орой Иракийн Балад Руз (Balad Ruz) хотноо хийгдсэн террорын улмаас 25 хүн амиа алдан 70 хүн шархадсан байна гэж Agence France-Presse орон нутгийн цагдаагийн мэдээнээс үндэслэн мэдээлэв.

Хотын төвийн нэгэн зоогийн газар амиа золиослогч тэсрэх төхөөрөмжөө ажиллуулсан байна. Амь үрэгдэгсдийн дунд гурван эмэгтэй, хоёр хүүхэд байжээ.
Балад Рузийн дэлбэрэлтийн хариуцлагыг хэт даврагчдын ямар нэгэн байгууллага аваагүй байна . Балад Руз хот гол төлөв шиитийн курдууд амьдардаг ба Дияла мужид байдаг.