Италийн эрх баригчид ард иргэдээ вакцинжуулалтад хамрагдах өөр өөрсдийн ээлжээ тэвчээртэй хүлээхийг уриалж буй. Энэ үед зарим мафиуд хөгшчүүдийн өмнүүр орж, вакцины нөөцийг булаан гишүүд, найзууддаа тарьж байгаа бололтой. Өнгөрсөн долоо хоногт Мафийн эсрэг үндэсний хорооны удирдлага мафи ихтэй өмнөд нутгуудаар вакцинжуулалтын хэмжээ бусад нутгаас өндөр байгааг онцлон, “бусад” хэмээн хуваарилсан вакцинууд мафийн гараар орж байж болзошгүй хэмээн түгшиж байгаагаа илэрхийлсэн байна. Түүнчлэн Никола Морра өмнөд хэсгийн Сицил, Калабри, Кампани, умард хэсгийн Валле Д’Аоста мужуудаас вакцинжуулалт хэрхэн үргэлжилж буй дэлгэрэнгүй тайлан гаргаж өгөхийг тушаажээ.

Ард иргэд ч гэсэн зарим нутгуудад төлөвлөгөөнд багтаагүй хүмүүс вакцин тариулсан байгаа нь зарим хотуудад вакцинжуулалтыг мафиуд бүрэн атгасан байгаагийн илрэл хэмээн таамаглах болсон байна. Хэрвээ хүмүүсийн таамаг үнэн байгаад, мафиуд засгийн газрын төлөвлөгөөг зөрчинж, зорилтот бүлгийнхнээс вакцин булааж байгаа бол үр дагаварт нь олон мянган хүний амь нас хохирох эрсдэлтэй хэмээн мэргэжилтнүүд сануулж байна.

Засгийн газрын мэдээллээс үзэхэд Итали нийт 12 сая тун вакцин худалдан авсан аж. Түүнээсээ 4.2 сая тунг 80 болон түүнээс өндөр настнуудад, 1.26 сая тунг 70 настнуудад, 3.1 сая тунг эрүүл мэндийн салбарынханд, сая тунг боловсролын салбарынханд, 2.4 сая тунг бусад иргэдэд хуваарилжээ.

Эх сурвалж: DAILYMAIL