-Монгол Улсын эрэгтэй баг эхний тоглолтод ХонгКонгийн багийг 86:77-ын харьцаагаар хожсон бол өнөөдөр Мальдивийн БНУ-ын багтай тоглох юм.

Азийн спортын 17-р наадам БНСУ-ын Инчён хотноо хоёр дахь өдрөө үргэлжилж байна. Азийн наадмын сагсан бөмбөгийн тэмцээн Инчён хотын Hwaseong спортын ордонд болж байна.

Монгол Улсын сагсан бөмбөгийн эрэгтэй баг өнөөдөр Улаанбаатарын цагаар 15.15 цагаас Мальдив БНУ-ын багтай тоглох юм. Мальдивын сагсчид өчигдөр эхний тоглолтоо Кувейтын багтай тоглохдоо 44-116-ын харьцаагаар ялагджээ. Харин Монгол Улсын шигшээ баг эхний тоглолтодоо ХонгКонгын багийг 86:77-ын харьцаагаар хожсон юм.

Эрэгтэй 16 улсын баг өрсөлдөж байгаагаас Монгол Улсын шигшээ баг ХонгКонг, Мальдив БНУ, Кувейт улсын багуудтай урьдчилсан шатны "А" хэсэгт багтсан. Энэ хэсгээс хоёр баг дараагийн тойрогт өрсөлдөх эрхийг авах юм. Тухайлбал хэсгийн нэгдүгээр байраар шалгарсан баг Япон, Катартай "F" хэсэгт, хоёрдугаар байраар шалгарсан баг Өмнөд Солонгос, Йорданы багтай "D" хэсэгт өрсөлдөх аж. Кувейт, Монгол Улсын шигшээ баг хэсгэээ хоёр оноотой тэргүүлж байна. 

Урьдчилсан шатны "А" хэсэг:

09.20 Монгол-Хонг Конг 86:77

09.21 Мальдив БНУ- Монгол

09.22 Кувейт-Монгол

Азийн наадмын сагсан бөмбөгийн тэмцээнийг http://cricfree.tv/live дарж үзнэ үү.

Азийн наадмын мэдээллийг Азийн наадам: Инчён-2014 цэсэнд ЭНД ДАРЖ авна уу.

Ч.БОЛ