Нийслэлийн хэмжээнд энэ жил нийт цэцэрлэгийн орон тоог 6700, сургуулийн орон тоог 10 мянга 560 хүүхдийн тоогоор нэмэгдүүлэхээр болсон байна. Тодруулбал, нийслэлийн төсвийн хөрөнгө оруулалтаар цэцэрлэг-бага сургуулийн цогцолбор 16, гурван сургуулийн өртгөтгөл, гурван цэцэрлэгийн өргөтгөлийг тус тус хийхээр төлөвлөсөн байна. Нийслэлээс энэ жил цэцэрлэг-бага сургуулийн цогцолбор барихаар төлөвлөсөн бөгөөд нийслэлийн хэмжээнд 80 гаруй цэцэрлэг-бага сургуульийн цогцолбор шаардлагатай байгаа аж. Тиймээс энэ жил 16-г ашиглалтад оруулах бөгөөд ирэх аравдугаар сард ашиглалтад оруулах төлөвлөгөөтэй байгааг хотын захиргааныхан онцоллоо.

Мөн Дэлхийн банкны санхүүжилтээр 17 цэцэрлэг, улсын төсвийн хөрөнгө оруулалтаар 19 сургууль,  12 цэцэрлэг тус тус ашиглалтад оруулахаар төлөвлөжээ.