Алдарт хөлбөмбөгч Дэвид Бэкхемийн энхэр Викториа Бэкхем нэгэн цагт хөх томруулах мэс засалд орж байснаа хүлээн зөвшөөрчээ. Мөн тэрээр хоёр хөхөндөө хийлгэсэн байсан суулгацаа авахуулсан болохоо “March Allure” сэтгүүлд өгсөн ярилцлагандаа дэлгэсэн аж. Өдгөө 39 настай, дөрвөн хүүхдийн ээж болсон Викториа Бэкхем энэ тухай “Одоо надад тэдгээр суулгац ямар ч хэрэггүй” гэсэн байна. Үүгээр ч зогсохгүй тэрээр хөхнөөсөө авахуулсан суулгацуудаа худалдах бодолтой байгаа гэнэ. Түүнчлэн Викториа Бэкхем “Би хэзээ ч төрөлхийн гоо сайхнаараа байгаагүй” хэмээсэн аж.

Үүний зэрэгцээ “Spice girls” хамтлагийн экс гишүүн Викториа Бэкхемийг ботокс шахуулснаасаа болоод инээж чадахаа больсон гэх шум олны дунд яригддаг билээ.