"ДЦС-2" компанийн  “Цахилгаан тоноглолын шинэчлэлтийн ажил”-ыг улсын төсвийн хөрөнгө оруулалтаар хийх бөгөөд гүйцэтгэгчээр “ЭДС” ХХК шалгарсан талаар Төрийн өмчийн хорооноос мэдээллээ. Энэ хүрээнд 35 кВ–ын ил хуваарилах байгууламж, зургаан кВ–ын ерөнхий хуваарилах байгууламжийн шинэчлэлээр 35 кВ-ын дөрвөн ширхэг таслуур, 10 мянган кВа-ын холбооны трансформатор, зургаан кВ-ын гурван секц бүхий 54 самбараас бүрдэх хуваарилах байгууламж иж бүрэн, нум унтраах реактор, реле хамгаалалтын хамт иж бүрнээрээ шинэчлэгдэх юм байна.

Одоогийн байдлаар шаардлагатай тоног төхөөрөмжүүд захиалгын дагуу үйлдвэрлэгдэн бэлэн болсон бөгөөд зургаан кВ-ын хуваарилах байгууламжийн тоноглол нь реле хамгаалалтын хамт бүрэн нийлүүлж, самбарын угсралтын ажлыг  “ЭДС” ХХК дээр хийжээ. Харин трансформатор, реактор, 35 кВ–ын таслууруудыг удахгүй нийлүүлэх юм байна.

Станц дээрх суурилуулалтын ажлыг 2013-2014 оны өвлийн их ачаалал өнгөрсний дараа буюу дөрөвдүгээр сард хийж, иргэдэд хүндрэл гаргахгүй байхад анхаарах ажээ.