Малийн хойд нутагт хоёр франц сэтгүүлчийг хөнөөсөн “гутамшигт аллагыг” НҮБ-ын Аюулгүй зөвлөл буруутгалаа. RFI радио станцын сэтгүүлчдийг салан тусгаарлагчдын нэг лидерээс ярилцлага авсны дараа нь хулгайлан авч яваад буудан хөнөөсөн байна.

Энэ “гутамшигт аллага” шийтгэлгүй өнгөрөх ёсгүй хэмээн өнгөрөгч бямба гаригийн орой Европын холбооны Гадаад бодлого, аюулгүй байдлын  дээд комиссар Кэтрин Эштоны хэвлэлийн төлөөлөгч мэдэгдэв. “Малийн эрх баригчдын терроризмтай хийж байгаа тэмцлийг” улам шийдэмгийгээр дэмжих болно гэж Европын холбоо мэдэгдээд байна.

Малийн хойд хэсэгт байгаа террорист байгууллагын аль нь ч энэ хэргийн харицлагыг өөртөө авсангүй.