Улсын бүртгэлийн ерөнхий газар, Монголын банкны холбоо, түүний гишүүн нийт арилжааны банк болон банк бус санхүүгийн байгууллага хамтран ажиллах Харицлан ойлголцлын санамж бичигт өнөөдөр гарын үсэг зуржээ. Энэхүү санамж бичигт барьцаа хөрөнгийн лавлагаа, мэдээлэл авах, барьцааны гэрээг бүртгүүлэхтэй холбоотойгоор бий болдог дараалал, чирэгдлийг бууруулах, иргэн, харилцагчид үзүүлэх үйлчилгээг шуурхай болгох тухай дурьджээ. Талууд хамтын ажиллагааны хүрээнд ажлын уялдаа холбоогоо сайжруулах, барьцаа хөрөнгийн лавлагаа, мэдээллийг улсын бүртгэлийн байгууллага, банк санхүүгийн байгууллага хооронд шууд цахим хэлбэрээр дамжуулан олгож, хүлээн авч байх аж.

Мөн барьцааны бүртгэлийг улам боловсронгуй болгон хөнгөвчилж, үйлчилгээний шат дамжлага, зардлыг бууруулснаар иргэдийн цаг, мөнгийг хэмнээд зогсохгүй иргэд үл хөдлөх эд хөрөнгөө эдийн засгийн эргэлтэнд оруулах, үр шимийг нь хүртэхэд томоохон бодит дэмжлэг болох юм байна.