Agence France-Presse агентлагийн мэдээлснээр Испанийн 47 хүн тутмын нэг нь Ерөнхий сайдыг огцруулахыг дэмжиж, гарын үсгээ нэгтгэсэн байна. Ерөнхий сайд болон түүний тэргүүлдэг консерватив Ардын намын бусад гишүүдийн авлигын талаарх мэдээлэл олон нийтэд цацагдсаны дараа ард иргэд Рахойг огцрохыг шаардах болсон юм.

Ерөнхий сайдыг нэн  даруй огцрохыг уриалж, ээлжит бус сонгууль явуулахыг, мөн авлигатай холбоотой хүмүүсийг улсын болон намын тушаалаас нь чөлөөлөхийг тэд шаардаж байна. Харин Рахой, Барсенас болон намын бусад гишүүд үүнийг эрс эсэргүүцэж, сонинд нийтлэгдсэн тайланг хуурамч хэмээн няцаасаар байгаа юм.