Японы Панасоник корпораци энэ санхүүгийн жилийн хоёрдугаар хагаст 8000 ажилтнаа цомхотгохоор төлөвлөж байна. Есдүгээр сарын 31-нд дууссан санхүүгийн жилийн эхний хагаст 8871 ажилтны цомхотгол хийж байсан тус компани шинэчлэлийн хурдыг нэмэх зорилгоор гуравдугаар сарын 31-нээс өмнө дараагийн цомхотголоо хийхээр төлөвлөөд байгаа хэмээн Токиогийн мэдээллийн төлөөлөгч утсаар мэдэгдсэн байна.Цомхотголд жилд дунджаар 765 тэрбум еэн зарцуулах тооцоо гарчээ.

Өнгөрсөн жилийн туршид  Японы цахилгаан бараа үйлдвэрлэгчид Солонгосын Самсунг корпорацитай ширүүн өрсөлдөөнтэй байснаас Осакагийн компани 39.000 орчим ажилчнаа буюу ажилчдынхаа 11 хувийг цомхотгожээ. “Chiba-Gin Asset Management Co”-ын ерөнхий менежер Ёошихиро Окумура “ Их хэмжээний хохирол амссан тэдэнд ажилчдаа халахаас өөр сонголт байгаагүй бөгөөд цомхотголын талаар дахин яригдаад байгаа” гэжээ.Өмнө тулгараад байгаа өөр нэг чухал асуудал нь цаашид бизнесээ хэвийн үргэлжлүүлэх, хөрөнгө оруулагчдын нүдэнд шинэчлэл үр дүнгээ өгч байгааг харуулах явдал аж.