“Тусгай дулаалгатай, инженерийн шугам сүлжээнд холбогдоход бэлэн амны орон сууцыг дахин төлөвлөлтөд орсон гэр хорооллын оршин суугчдад моргейжийн зээлээр олгох болно” гэж “Агаарын бохирдолын эсрэг орон байраа дулаацгаая” сэдэвт өдөрлөгийг нээж хэлсэн үгэндээ нийслэлийн Засаг дарга Э.Бат-Үүл онцлов.

Сүхбаатарын талбайд орон сууц, гэр орныг дулаан байлгах дулаанаа хадгалах зориулалттай олон янзын шийдэл бүхий тоног төхөөрөмж дэлгэгдсэн байна. Тэнд 30 сая төгрөгөөр үнэлэгдэх модон байшин түлш бага хэрэглэдэг зуух бүгд багтжээ. Иргэд ч их үзэж сонирхож байгаа нь ажиглагдав. Байшингийн өнгө үзэмж эрс дээшилжээ. Хашаандаа үнсэн блок тоосго шавраар ур хийц, шийдэл муу, нэг загварын байшин барьдаг үе халаагаа өгч байна гэж хэлж болно. Үйлдэрлэгч нар бүтээгдэхүүнээ сурталчилж сурсан байна. Үнэхээр ч сайн шийдэлтэй хүний нүдний хараанд өртөхөөр барихад хялбар байшингууд байна. Үнийн хувьд ч боломжтой 9-30 сая хүртэл үнэтэй.

Агаарын бохирдолыг бууруулах Үндэсний хорооны болон Ерөнхийлөгчийн тамгын газрын дарга П.Цагаан, УИХ-ын гишүүн Эрдэнэчимэг, нийслэлийн Үйлдвэрлэл эклоги хариуцсан орлогч дарга Д.Пүрэвдаваа болон албаны бусад хүмүүс оролцлоо. Энэ арга хэмжээ Сүхбаатарын талбайд 14 хоног үргэлжилнэ.