Сонгинохайрхан дүүргийн нутаг 0119-р цэргийн ангийн байрны баруун урд замд марк, улсын дугаар тодорхойгүй автомашины жолооч нь явган зорчигч, 23 настай Б-г мөргөж амь насыг нь хохироогоод хэргийн газрыг орхиж явсан ноцтой осол өнөөдөр 00.30 цагийн үед гарсан байна.

Замын цагдаагийн газрын хамт олон жолоочийг яаралтай эрэн сурвалжилж Toyota Prius маркийн 28-70 УНО дугаартай автомашины жолооч уг хэргийг үйлдсэн болохыг тогтоожээ.

Хэрэг үйлдсэн жолоочийг Сонгинохайран дүүрэг дэх Замын цагдаагийн тасгийн ахлах байцаагч, хошууч н.Чинзориг, зохицуулагч цагдаа, цагдаагийн ахлагч н.Дандар нар цаг алдалгүй илрүүлсэн байна.