“Үндэсний түргэн тусламжийн сүлжээ” хөтөлбөрийн хүрээнд Эрүүл мэндийн газар, Цагдаагийн ерөнхий газрын Нийгмийн хэв журмыг хамгаалах газартай хамтран өнгөрсөн дөрвөн өдрийн хугацаанд эрүүлжүүлэх, баривчлах байрны эмч нарт зориулсан сургалт зохион байгуулсан байна. Сургалтаар эмнэлгийн анхны тусламжийн талаархи мэдлэг, ур чадварыг дээшлүүлэхийг зрорьжээ. Сургалтад Нийслэлийн болон 21 аймгийн эрүүлжүүлэх, баривчлах байрны эмч ажилтнуудын төлөөлөл хамрагджээ. Сургалтын эхэнд тэднээс эмнэлгийн анхны тусламжийн талаархи мэдлэгийн түвшинг шалгахад мэдлэгийн дундаж түвшин 37 хувьтай байсан аж.

Оролцогчид амилуулах суурь тусламж, осол гэмтэл, хордлого, цус алдалт, архинд донтох эмгэгийн  үеийн эмнэлгийн анхны тусламжийг үзүүлэхэд шаардагдах онолын мэдлэгийг олж авсан ба дадлагын хичээлийн явцад онолын мэдлэгээ баталгаажуулах олон хөтөлбөртэй биечлэн танилцжээ. Мөн сургалтын төгсгөлд эмнэлгийн анхны тусламжийн талаар сорил авахад  мэдлэгийн  дундаж түвшин 63 хувьтай буюу сургалтын өмнөх үеийнхээс 2 дахин өндөр гарсан нь сургалт үр дүнтэй болсныг харуулсан байна.