БСШУЯ-ны сайдын 56 тоот тушаалын дагуу  Монгол Улсад мэргэжлийн хөгжмийн багш бэлтгэж эхэлсний 50 жилийн ой энэ онд тохиож буй. Иймд энэ сарын сарын 11,12-ны өдрүүдэд 50 жилийн ойн хүрээнд Эрдэм шинжилгээний бага хурал, бүх оддын хүндэтгэлийн тоглолтыг хийх гэж байна. Эрдэм шинжилгээний бага хурал энэ сарын 11-нд 13.00 цагт СУИС-ын  Соёл Боловсролын Сургууль дээр энэ сарын 11-ны 13:00 цагт болох юм. Харин бүх оддын тоглолт энэ сарын 11-нд Бөхийн Өргөөнд 19:00 цагт ганцхан удаа болох аж. Тоглолтод Багшийн сургуулийн хөгжмийн салбараас төрөн гарсан Төрийн шагналт, Ардын жүжигчин  Н.Жанцанноров, Б.Шарав, Х.Билэгжаргал, Ц.Нацагдорж, Ц.Чинзориг, Урлагийн Гавьяат зүтгэлтэн  Ч.Сангидорж, З.Батсүх, Б.Бямбабаяр , Т.Сэр-Од,  Д. Цэцэрлэг нараас эхлэн Монголын үе үеийн шилдэг  авьяаслаг хөгжмийн зохиолчдийн  сор болсон уран бүтээлийн  дээжээс “од”  болсон уран бүтээлчид ая дуугаа өргөнө. Шилдэг хөгжмийн зохиолчдын цорын ганц шилдгийн шилдэг бүтээл орж байгаагаараа онцлог юм. Энэхүү тоглолтод Улсын филармони симфони найрал, “Voice” групп, ТС Д.Сосорбарам, Гавьяат жүжигчин  Ц.Түвшинтөгс, Г.Эрдэнэбат, С.Жавхлан, Д.Ширмэнтуяа, Х.Болормаа, Соёлын тэргүүний ажилтан  Г.Эрдэнэтунгалаг, Н.Баасандорж, Л.Банзрагч, Д.Хишигбаяр, Р.Дэлгэрмаа, Г.Чинболор, Э.Оюумаа, Дуучин СТА Э.Гантулга, Л.Байзада, “Цэцэг” хамтлагийн Ч.Батболд, “Нисванис”,  “Anemone”  хамтлаг оролцоно.

Тоглолтын ерөнхий найруулагч, продюсероор аранжировшик Соёлын тэргүүний ажилтан Н.Халиун, зөвлөхөөр Төрийн шагналт, Ардын жүжигчин Н.Жанцанноров, Урлагийн гавьяат зүтгэлтэн Т.Сэр-Од, туслах найруулагчаар Улсын Филармоний менежер Б.Эрдэнэ-Оюун, менежерээр УДЭТеатрын менежер Соёлын тэргүүний ажилтан Б.Гэрэл, Бөхийн Өргөөний менежер Цэвэлмаа нар ажиллаж байгаа юм.