Аймгийн Засаг даргын захи­рамжийг хэрэгжүүлэх зорилгоор Булган аймгийн Тэшиг, Сэлэнгэ, Хан­гал сум болон Хялганат тосгонд ой хээ­рийн түймрээс урьд­чилан сэргий­лэх хяналтын пост ажиллуулж эхэлжээ.

Энэхүү постыг байгаль орчны хяналтын улсын байцаагч байгаль хамгаалагчид дөрөвдүгээр сарын 1-нээс тавдугаар сарын 20 хүртэлх хугацаанд зохион байгуулж, ойд зөвшөөрөлгүй аж ахуйн үйл ажиллагаанд хяналт тавин, ойд түлээ мод бэлтгэх, зарим дагалдах зүйл түүж ашиглах явдал нэлээд байгааг таслан зогсооно. Тухайлбал саяхан Тэшиг суманд түймэр гарч Хутаг-Өндөр, Сэлэнгэ сумын хил залгаа нутгийг хамарсан нь самар түүж явсан иргэдийн хайхрамжгүй үйл ажиллагаанаас болжээ.