Ард түмний гавъяат, 25 орны хэлээр торохгүй ярьдаг Арго багш өнөөдөр “21 мянга” нэртэй ном, хошин урлагийн шинэ театрынхаа “21 мянга” шинэ хошин шоу тоглолтын тухай мэдээлэв. Түүний хувьд “21” гэдэг тоо бол ихэд билэгшээлтэй тоо гэнэ. Хүүхэд насаа Баянзүрх дүүрэгт 21 дүгээр байрны 21 тоотод амьдарч байснаас гадна 21  гэдэг тоо түүний амьдралын чухал мөчүүдэд тохиосон гэнэ. Түүнчлэн төрөөс ард түмэнд 21 мянган төгрөг өгч байгаа нь билэгшээлтэй санагдсан тул “21” мянга нэртэй хошин өгүүллэгийн шинэ ном гаргасан аж. “21 мянга” номын нээлт маргааш Интер ном дэлгүүрт болох аж.

Номын нээлтийн үеэр эхний 21 худалдан авагчдад “21 мянга” нэртэй UB palace-д болох хошин шоу тоглолтынхоо тасалбарыг бэлэглэх гэнэ. Түүний найруулсан уг тоглолт нь Монголын хошин урлагийг шинэ шатанд хүргэнэ гэдгийг тэрээр амлав.