УИХ-ын дарга Д.Дэмбэрэлийн 75 цэргийн хөдөлгөөн ихэсч, бага ангийн хүүхдээс нэг их дээрдэхгүй аашилж байна. Хуралдаа ирэх хүн цөөрснөөс Д.Дэмбэрэл дарга хэн хэдэн цаг тасалсныг ил тодоор зарлаж байгаа. Өчигдөр л гэхэд гайгүй төвшин гишүүдийнх нь нэг Д.Лүндээжанцан баахан гишүүдийг “уруу татаад” цаг гаруй хурал тасалжээ. Үүнийг нь зарласны дараа Д.Лүндээжанцан гишүүн дахиад л алга болчих нь тэр. Д.Дэмбэрэл дарга “Лүндээ гомдоод алга болчихов уу” хэмээн сандрав. Тэгж байтал “зүггүй” гишүүд нь санал өгдөг товчлуураар оролдож, бас бие биеийнхээ товчлуурыг дарж үймүүлцгээв. Ингээд даргаасаа “Кнопоор тоглохоо боль” гэсэн зэм сонслоо.

Д.Дэмбэрэл дарга тайван тулдаа тэр хэдийнхээ учрын олох юм. Бухимддаг хүн бол орж гарч холхиод, хуралдаа ирэхгүй байнга араасаа дуудуулаад, ирсэн хойноо хэрэлдээд байгаа хэдийг “маллах” гэж зүрх дэлсмээр харагдах юм.