Нийслэлийн Сүхбаатар дүүргийн 10 дугаар хороо буюу Хүүхдийн хоёрдугаар эмнэлгийн зүүн талд байрлах "Хүннү" зочид буудлын урд замд өнгөрсөн сарын 15-ны өдөр зам тээврийн осол гарч, нэг явган зорчигч амиа алджээ.

Тус замын зорчих хэсгийн гуравдугаар эгнээнд явж байсан марк, улсын дугаар нь тодорхойгүй хар өнгийн суудлын автомашин нь явган зорчигч Б-г мөргөснөөс болж, нэгдүгээр эгнээнд явж байсан “T.Pruis” маркийн автомашинд явган зорчигч мөргүүлж, амиа алджээ. Тус хэрэг хоёрдугаар сарын 15-ны өдрийн 23:15 цагийн үед гарсан бөгөөд одоог хүртэл тухайн жолоочийг олоогүй байгаа бөгөөд эрэн сурвалжилж байна. Тус зам тээврийн осол, хэргийн талаар үзсэн харсан болон бичлэг дээрх автомашин, жолоочийн талаарх мэдээ, мэдээллийг 99020702, 93023000 дугаарын утсанд хүлээн авах бөгөөд мэдээллийн нууцлалыг чандлан хадгалж, үнэн зөв мэдээлэл өгсөн иргэнийг урамшуулна гэж ЗЦА-аас мэдээллээ.

ЭХ СУРВАЛЖ: WWW.MONTSAME.MN